Пад Менскам «захраслі» 258 трактароў
11- 14.10.2015, 17:17
- 15,938
Пад Менскам у вёсцы Самахвалавічы «затрымаліся» 258 трактароў, вырабленых на МТЗ.
Транспартныя сродкі не могуць адправіцца да заказчыка ў Расею.
У рэдакцыю сайта onliner.by звярнуўся прадстаўнік транспартнай кампаніі, на тэрыторыі якой стаяць «Беларусы», і распавёў, што на сельгастэхніку каля месяца таму быў накладзены арышт.
«Нам неабходна перавезці трактары з Менска ў расейскае Таншалава. З указання грузаатрымальнікаў мы павінны былі забраць іх на МТЗ, тут разгрузіць, праэкспедыраваць загрузку і давезці груз у месца прызначэння», - распавёў заснавальнік транспартнай кампаніі Віктар Шкот.
У праваахоўных органах пакуль не называюць прычыну, з якой на транспартныя сродкі накладзены арышт, спасылаючыся на прыватнасць гэтай інфармацыі ў інтарэсах усебаковага расследавання справы.