Як выглядаюць у рэчаісным жыцці месцы з «Уладара пярсцёнкаў»
- 14.10.2015, 18:46
- 31,747
Сціжмы турыстаў штогод наведваюць у Новай Зэландыі тыя самыя месцы, дзе праходзілі здымкі фільмаў.
Усе падзеі, якія адбываліся ва ўлюбёным для шмат каго "Уладару пярсцёнкаў" Дж.Дж. Толкіена, мелі месца ў так званым Міжзем'і. Як мы ўсе ведаем, ролю Міжзем'я (і не беспаспяхова) у фільмах Пітэра Джэксана выконвала Новая Зэландыя, піша DELFI.lv.
І хоць сёння вы наўрад сустрэнеце ў ёй эльфа, гнома ці орка, яе натуральная прыгажосць нікуды не знікла. Сціжмы турыстаў штогод наведваюць у Новай Зэландыі тыя самыя месцы, дзе праходзілі здымкі фільмаў. Але не варта бедаваць нават у тым выпадку, калі ў вашы планы падарожжа практычна на ўскрай свету не ўваходзіла. І ўсё таму, што мы зараз пакажам вам, як напраўду выглядаюць "тыя самыя месцы".
На самым пачатку "Брацтва пярсцёнка" мы бачым сцэну, у якой Сэм Гемджы важдаецца ў садзе каля ўласнага дома з жоўтымі дзвярыма ў Шырэ.
Вось так выглядае гэты самы дом, які напраўду знаходзіцца ў Матамаце ў Новай Зэландыі.
Зрэшты самы знакаміты дом у Шырэ ўсё адно належыць Більбу і Фроду Бэгінсам.
І вы таксама можаце яго наведаць.
Гэтыя важкія каменныя скалы выконвалі ў Міжзем'і ролю Сцяжыны Смерці.
Але напраўду гэта вяршыні Путангіруа, якім паводле прыблізных падлікаў не менш за сем тысяч гадоў.
А вось так выглядаў Эдорас, сталіца Рохана і дом караля Тэадэна ды ягоных людзей.
На жаль, самі гарадскія пабудовы былі дэмантаваныя пасля заканчэння здымак, але вы заўсёды можаце палюбавацца на гару Уваскрасенне (Кентэрбэры, Новая Зэландыя), на якой яны былі пабудаваныя.
Фрода, Гендальф і ўсе астатнія сябры Брацтва пярсцёнка выходзілі з Рывендэла менавіта праз гэтую браму.
Дапраўды гэтая брама знаходзяцца ў парку Кайток у Велінгтоне.
Парк наогул выкарыстоўваўся для "змяшчэння" у яго ўсяго Рывендэла.
Вядома, цяпер гэта збольшага проста прыгожае месца з прыроднымі сцежкамі, па якіх можна хадзіць і цешыцца наваколлем.
У "Брацтва пярсцёнка" Арагорн вёў Фроду і астатніх хобітаў да вартавой вежы Амон Сул, больш вядомай як Вэзэртоп.
На жаль, дакладнае месца, якое выкарыстоўвалася для здымак Вэзэртопа, знаходзіцца на прыватнай зямлі, але аналагічныя структуры можна знайсці і ў іншых месцах. Напрыклад, непадалёк ад Порта Вайката.
Падчас свайго падарожжа па Міжзем'і Брацтва пярсцёнка плыло па рацэ Андуін і пабачыла Вароты Арганата.
Не гледзячы на тое, што статуі для фільма былі намаляваныя на кампутары, рака Кавару ў Атазе вабіць прыхільнікаў Толкіена і дагэтуль.
Фрода мусіў аднесці пярсцёнак у Мардор і кінуць у жарало Арадруіна.
У фільме ролю Арадруіна сыграў стратавулкан Нгаўрухоэ, размешчаны ў вулканічным комплексе Тангарыра. І не бойцеся, ён не выбухаў з 1975 года.