Вікторыя Азаранка: Мне трэба дадаць хуткасці
19- 26.11.2015, 10:41
- 24,197
22-я ракетка свету, прадстаўніца Беларусі Вікторыя Азаранка, распавяла, над чым будзе працаваць у міжсезонне.
26-гадовая менчанка ў 2015 годзе не заваявала ніводнага тытула, піша championat.com.
«Я веру ў тое, што павінна гуляць хутчэй і лепш рухацца на корце. Я крыху страціла адчуванне ў першых рухах у розыгрышах, але па ходзе матчаў адчуваю сябе ўсё лепш. У мяне ніколі не было праблем з доўгімі матчамі, калі я адчувала стомленасць. Гэта не праблема. Мне проста трэба засяродзіцца на сваім руху. Вось і ўсё. Я адчуваю сябе фізічна моцнай, але трэба дадаць хуткасці», - цытуе Азаранку афіцыйны сайт тура.