Раджэп Таіп Эрдаган: Турцыя і надалей будзе збіваць самалёты-парушальнікі
7- 26.11.2015, 16:33
- 8,981
Турцыя ў далейшым будзе збіваць самалёты, якія будуць парушаць яе паветраную прастору.
Як паведамляе CNN Turk, пра гэта прэзідэнт краіны Раджэп Таіп Эрдаган заявіў на сустрэчы з кіраўніцтвам мясцовых органаў улады, паведамляе "Украінская праўда".
"Калі і ў далейшым будуць такія ж парушэнні нашай паветранай прасторы, мы гатовыя адказаць такім жа чынам", - заявіў Эрдаган.
Акрамя таго, прэзідэнт Турцыі адхіліў абвінавачванні свайго расейскага калегі ў тым, што Турцыя купляе нафту ў "Ісламскай дзяржавы".
"Кажуць, што мы купляем нафту ў ІДІЛ. І гэта кажуць тыя, хто надзелены ўладай. Ганьба вам. Тыя, хто кідаецца такімі абвінавачваннямі, павінны іх давесці", - заявіў Эрдаган, дадаўшы, што больш за ўсё газу Турцыя імпартуе з Расеі. "І што датычыцца спроб ісламізаваць Турцыю... Турцыя ўжо на 99% мусульманская", - заявіў ён, адказваючы на абвінавачванні Пуціна.