Лукашэнка: Наступны год будзе вельмі складаным

Дыктатар папярэджвае аб тым, што такога года, як 2016, «у гісторыі нашай краіны не было».

Пра гэта Аляксандр Лукашэнка заявіў падчас новых кадравых перастановак, якія адбыліся сёння. Ягоныя словы прыводзіць прэс-служба.

Дыктатар асаблівую ўвагу надаў пытанням дысцыпліны і парадку. «Без дысцыпліны і парадку нічога не зробіце. Не будзе жалезнага парадку, толку не будзе», - сказаў ён.

Прызначаючы кіраўнікоў мясцовай вертыкалі ўлады, Лукашэнка падкрэсліў: «І яшчэ адно пытанне як раз на злосць дня, якое мяне хвалюе: вельмі шмат падначаленых, прыйшоўшы на гэтую пасаду (хоць я вас папярэджваю, што вы на перадавой, тварам да твару з людзьмі), пачынаюць паляпшаць свае жыллёвыя ўмовы. Я не супраць, але - за ваш уласны рахунак». Лукашэнка заўважыў, што «вельмі шмат старшыняў райвыканкамаў на гэтым пагарэлі».

Ён таксама папярэдзіў: «Калі вы ідзяце на гэтую пасаду, вы павінны ведаць, што вы, як на шкле, прасвечваецеся з усіх бакоў, і людзі вас бачаць. Наступны год будзе вельмі складаным, хачу заўважыць, што такога года ў гісторыі нашай краіны не было. Абвалілася Расея, што дзеецца ва Украіне (а гэта наш другі рынак), Казахстан асеў. Нам трэба проста выстаяць. І калі мы будзем працаваць, не рэагуючы на людзей, іх прапановы, заўвагі, не падтрымліваючы іх, а ствараючы сваё матэрыяльныя каштоўнасці, то такая ўлада народу не патрэбная. Таму я прашу вас засвоіць гэта».

Дыктатар падкрэсліў, што ва ўсіх выразна вызначаныя зоны адказнасці і трэба ў адпаведнасці з гэтым працаваць.