Амбасадар ЗША ў АБСЭ: Пуцін гатовы прымусіць расейцаў несці сур'ёзныя страты

Расейскі народ з’яўляецца закладнікам у свайго прэзідэнта.

Пра гэта ў інтэрв'ю радыёстанцыі «Эхо Москвы» распавёў кіраўнік місіі ЗША пры АБСЕ Даніэль Баер.

«Прэзідэнт Пуцін сёння як раз гатовы прымусіць народ панесці сур'ёзныя страты. Расеі і ўкраінцам, простым людзям гэта зусім не трэба. Яны не хочуць пашырэння вайны, яны не хочуць уцягвання Расеі ў вайну з Украінай. Гэта зусім зразумелая сітуацыя, дзе патрэбныя мірныя крокі, мірнае ўрэгуляванне. І тут вельмі важная дыпламатычная праца для таго, каб пераканаць бакі канфлікту сесці за стол перамоваў і спыніць баявую канфрантацыю», - сказаў Баер.

Ён падкрэсліў, што дастаткова довадаў таго, што Расея пастаўляе ўзбраенне баевікам на Данбас. У той жа час, адзначае Баер, ні ў каго няма жадання ўступаць у канфлікт з Расеяй, як з краінай.

«Большасць з нас цалкам выразна разумее, што пастановы, якія прымае сёння расейскае кіраўніцтва, з'яўляюцца трагічнымі і сумнымі і для расейцаў, і для народа Украіны. І сусветнае грамадскае меркаванне вельмі сур'ёзна скіраванае на тое, каб вярнуць Расею да стала перамоваў, каб не навязваць расейскаму народу цяжкія выдаткі, бо расейскі народ тут таксама ў залежным стане выяўляецца», - заявіў кіраўнік місіі ЗША пры АБСЕ.