Штурмавая авіяцыя на поўдні Расеі выканала навучальнае бомбакіданне
7- 16.02.2015, 10:29
- 7,158
Штурмавікі выканалі запускі звыш 30 кіраваных ракет і правялі скідванне блізу дзесяці карэктаваных авіябомбаў.
На авіябазе Паўднёвай вайсковай акругі, дыслакаванай у Краснадарскім краі, завяршылася лётна-тактычнае вучэнне экіпажаў мадэрнізаваных штурмавікоў Су-25СМ3 «Грач», паведамілі «Интерфаксу» ў панядзелак у прэс-службе акругі.
«Было выкарыстана блізу 10 самалётаў. Падчас вучэбна-баявых вылетаў штурмавікі выканалі запускі звыш 30 кіраваных ракет і правялі скідванне блізу дзесяці карэктаваных авіябомбаў па пазіцыях умоўнага супраціўніка», - паведаміў прадстаўнік акругі.
Ён адзначыў, што экіпажы Су-25СМ3 адпрацавалі такія навучальныя пытанні, як знішчэнне авіяцыйнага парку баявых машын, буйных складоў гаруча-змазачных матэрыялаў, арсенал з боепрыпасамі, аб'екты інфраструктуры.
Акрамя таго «Грачы» выканалі шэраг лётных заданняў у начны час, у складаных метэаралагічных умовах, а таксама ва ўмовах горнай мясцовасці ў розным дыяпазоне вышынь.