Пракуратура запатрабавала прысудзіць Навальнага да 10 гадоў калоніі

Пракуратура патрабуе прысудзіць апазіцыянера Аляксея Навальнага да 10 гадоў калоніі ў справе «Ив Роше».

«Патрабуем прысудзіць Навальнага да 10 гадоў пазбаўлення волі з адбываннем у калоніі агульнага рэжыму і наступным абмежаваннем волі на два гады», - заявіла прадстаўніца пракуратуры.

Брата апазіцыянера Алега Навальнага пракуратура папрасіла пазбавіць волі на восем гадоў.

Абвінавачванне ўважае, што раней суд няправільна кваліфікаваў дзеянні братоў і прызначыў занадта мяккае пакаранне, піша Lenta.ru.

«Дзеянні Навальнага не з'яўляліся прадпрымальніцкай дзейнасцю і падпадаюць пад агульную норму артыкула 159 КК РФ («Махлярства»), так як падпісанне загадзя нявыгадных дамоваў стала магчымае ў выніку падману», - сказана ў довадах дзяржабвінавачання.

У той жа час абарона і самі асуджаныя настойваюць на апраўдальным прысудзе. Яны сцвярджаюць, што судом былі дапушчаныя шматлікія парушэнні, адзначае ТАСС.

Прысуд паводле справы «Ив Роше» быў вынесены 30 снежня 2014 г. Навальныя прызнаныя вінаватымі ў крадзяжы грашовых сродкаў кампаніі «Ив Роше». Тады пракуроры таксама патрабавалі прысудзіць братоў да 10 і 8 гадоў пазбаўлення волі, аднак Аляксей Навальны быў асуджаны на 3,5 года зняволення ўмоўна, Алег - на 3,5 гады пазбаўлення волі.

Паводле версіі следства, Навальныя «з 2008 да 2013 ашуканскім шляхам выкралі грашовыя сродкі кампаніі «Ив Роше Восток» у суме звыш 26,7 мільёна рублёў, а таксама фірмы «Многопрофильная процессинговая компания». Аляксей Навальны у судзе назваў прад'яўленыя яму абвінавачванні «фальшыўкай ад першага да апошняга слова».