Макей: Беларусь і Іран не да канца выкарыстоўваюць патэнцыял гандлёва-эканамічных стасункаў
8- 17.02.2015, 12:34
- 4,815
Кіраўнік МЗС Беларусі прапануе надаць «вялікую дынаміку двухбаковаму супрацоўніцтву паміж краінамі».
Такое меркаванне выказаў сёння міністр замежных спраў Беларусі Уладзімір Макей падчас сустрэчы з кіраўніком МЗС Ірана Махамадам Джавад Зарыфы, паведамляе БелТА.
«У 2014 годзе тавараабарот паміж нашымі краінамі значна ўзрос, але патэнцыял гандлёва-эканамічных стасункаў выкарыстоўваецца не да канца, і пра гэта мы з вамі гаварылі, - сказаў Уладзімір Макей. - Наша задача - намеціць захады, якія дазволяць надаць большую дынаміку нашаму двухбаковаму супрацоўніцтву , і зрабіць так, каб яны адказвалі ўзроўню палітычнага ўзаемадзеяння».
У сваю чаргу кіраўнік МЗС Ірана выказаў упэўненасць, што добрым стымулам для двухбаковага супрацоўніцтва стане візіт Аляксандра Лукашэнкі ў Іран. Акрамя таго, з ягоных слоў, бліжэйшым часам плануецца пасяджэнне міжурадавай камісіі, на якой будзе разгледжаны пералік пытанняў гандлёва-эканамічных стасункаў. «У сферы прамысловасці ёсць галіны, у якіх мы маглі б дапаўняць адзін аднаго», - заўважыў Махамад Джавад Зарыф.
Як паведамлялася, 16-18 лютага праходзіць афіцыйны візіт у Беларусь міністра замежных спраў Ірана. Праграмай візіту прадугледжаныя сустрэчы дыпламата з прэм'ер-міністрам Андрэем Кабяковым, старшынём «савета рэспублікі» Міхаілам Мясніковічам. Таксама плануецца, што Махамад Джавад Зарыф возьме ўдзел у адкрыцці новага будынка амбасады Ірана ў Беларусі.
Фота: Reuters