Калона назіральнікаў АБСЕ выехала ў Дэбальцава
5- 22.02.2015, 11:22
- 12,294
З Данецка ў Дэбальцава накіравалася калона назіральнікаў АБСЕ.
Паведамляецца, што ў калоне 10 аўтамашын, якія едуць у суправаджэнні сепаратыстаў «ДНР», піша «Карэспандэнт».
«У калоне, якая едзе ў пацярпелы ад баёў горад, 10 аўтамабіляў АБСЕ, іх суправаджаюць аўтамабілі МУС «Данецкай народнай рэспублікі». Ад каментароў супрацоўнікі АБСЕ ўстрымліваюцца», - сказана ў паведамленні.
Раней верхавод баевікоў «ДНР» Дзяніс Пушылін заявіў, што сепаратысты гатовыя забяспечыць доступ назіральнікаў у Дэбальцава ў нядзелю, 22 лютага.
Пазней прадстаўнікі АБСЕ паведамілі, што ў горад патрапілі дзве аўтамашыны місіі.