Японія выставіла Паўднёвай Карэі тэрытарыяльныя прэтэнзіі
16- 22.02.2015, 18:53
- 26,678
Японія заклікала Паўднёвую Карэю вярнуць ёй выспы Ліянкур.
Выспы, якія па-карэйску называюцца Токта, а на Японскай мове - Такэсіма, знаходзяцца пад кантролем Сеула, хоць Японія разглядае іх як сваю тэрыторыю, перадае BBC.
Пытанне аб тым, каму належаць гэтыя выспы, ускладняе стасункі паміж Паўднёвай Карэяй ды Японіяй. Выспы знаходзяцца ў заходняй частцы Японскага мора.
Японская прэфектура Сіманэ ўжо 10 гадоў адзначае 22 лютага як "Дзень Такэсіма".
На гэтых выспах знаходзіцца пост берагавой аховы Паўднёвай Карэі, якая называе "смяхотнымі" заявы Токіё аб тым, што гэтыя выспы належаць Японіі.