Як чырвоныя панды гарэзяць у снезе (Відэа)

У заапарку Цынцынаці, штат Агаё, дзве чырвоныя панды зладзілі сапраўднае шоў.

Вялікія снежныя гурбы натхнілі звяркоў на такія трукі, што не толькі наведвальнікі, але нават работнікі заапарка не маглі адвесці позірк ад сваіх гарэзлівых падапечных у гурбах, піша gazeta.ru.

Адна з супрацоўніц і зняла гэта відэа, якое адразу ж спадабалася карыстальнікам Сеткі і стала набіраць балы. Панды валяліся і куляліся ў снезе, лазілі па дрэвах і нават хадзілі на задніх лапах.