Мытнікі канфіскавалі Rolls Royce коштам у мільярд рублёў

Дарагі аўтамабіль канфіскавалі супрацоўнікі Гомельскай мытні.

Пра гэта сайту charter97.org паведамілі ў прэс-службе Дзяржаўнага мытнага камітэта.

Супрацоўнікі праверылі дакументы ў кіроўцы грузавога аўтамабіля DAF з паўпрычэпам Krone, які рухаўся на выезд з Беларусі. У грузавым адсеку паўпрычэпа знаходзіўся Rolls Royce Phantom. Пры гэтым дакумент на міжнародную перавозку ў кіроўцы адсутнічаў.

Аўтамабіль арыентыровачным коштам Br1 млрд канфіскаваны. На транспартны сродак DAF з паўпрычэпам Krone накладзены арышт.

Паводле гэтага факту Гомельскай мытняй распачаты адміністрацыйны працэс.