У схове турыстычнага аўтобуса ў Беларусь спрабавалі завезці 350 кілаграм мяса

Польскі кіроўца спрабаваў правезці ў спецыяльна абсталяваным схове аўтобуса вялікую партыю вэнджаных мясных вырабаў.

Пра гэта паведамілі БелТА ў прэс-службе Берасцейскай Чырванасцяжнай памежнай групы імя Ф.Э.Дзяржынскага.

Польскі турыстычны аўтобус Бяла-Падляска-Берасце, якім кіраваў 29-гадовы грамадзяніна Польшчы праходзіў афармленне на ўезд у Беларусь у аўтадарожным пункце пропуску "Берасце". З ініцыятывы супрацоўнікаў органаў памежнай службы транспартны сродак быў накіраваны ў бокс для спецыяльнага дагляду.

У выніку супольных з супрацоўнікамі Берасцейскай мытні дзеянняў у пустацелай прасторы паміж дзвярыма кіроўцы і пярэднім колам быў знойдзены металічны кораб памерам 60х60х100 см. Унутры тайніка знаходзіліся вэнджаныя мясныя вырабы ў вакуумнай упакоўцы. Частка прадукцыі, схаванай ад мытнага кантролю, была выяўлена таксама ў нішы крыла задняга кола. Агульная вага канфіскаваных прадуктаў харчавання склала 351 кг.

Прадметы адміністрацыйна-мытнага правапарушэння канфіскаваныя супрацоўнікамі мытні. Папярэдняя сума ацэнкі кантрабандных мясных вырабаў і аўтобуса ўстанаўліваюцца.