Баль падчас чумы

Лукашэнка рыхтуе грандыёзны парад на 9 траўня.

У гэтым годзе падчас параду на 9 траўня ў Менску маршам пройдуць 5 тысяч вайскоўцаў, у небе будуць лётаць самалёты, а па вуліцах праедзе новая баявая тэхніка.

Міністр абароны Беларусі Андрэй Раўкоў паведаміў, што ў гэтым годзе ў галоўным парадзе краіны ўдзел возьмуць больш за 5 тысяч 536 вайскоўцаў і 471 адзінак вайсковай тэхнікі, 29 самалётаў і 11 верталётаў, піша БелТА.

Плануецца таксама, што ў час парада менчукам і гасцям сталіцы вайскоўцы прадэманструюць батарэю рэактыўнай сістэмы залпавага агню «Паланэз» вытворчасці беларускага вайскова-прамысловага комплексу.