Выбухі ў Багдадзе: больш за 30 загінулых
- 7.02.2015, 19:06
- 4,349
Як мінімум 34 чалавекі загінулі ў выніку трох выбухаў у Багдадзе, паведамляе мясцовая паліцыя.
Раней паведамлялася пра 12 загінулых, перадае BBC.
Першы выбух быў зладжаны смяротнікам у рэстарацыі ў шыіцкім раёне ірацкай сталіцы: загінулі 22 чалавек, як мінімум 50 атрымалі раны.
Яшчэ два выбухі прагрымелі на двух рынках Багдаду. Колькасць загінулых удакладняецца.
Чарговая серыя нападаў адбылася ў той дзень, калі ў Багдадзе павінны былі ўпершыню за больш чым 10 гадоў адмовіцца ад каменданцкай гадзіны.
У чацвер ірацкія ўлады абвясцілі, што рэжым каменданцкай гадзіны павінен быць зняты ў суботу апоўначы.
Фота з архіву