Заўзятары «Рэала» атакавалі аўтамабіль самага дарагога футбаліста свету

Інцыдэнт адбыўся пасля паразы мадрыдцаў у «Эль Класіко» - матчы супраць каталонскай «Барселоны».

Заўзятары мадрыдскага «Рэала» атакавалі самаход паўабаронцы «каралеўскага клуба» Гарэта Бэйла. Пра гэта паведамляе Lenta.ru са спасылкай на гішпанскае выданне AS.

Калі Бэйл ад'язджаў ад стадыёна, група заўзятараў «Рэала» падышла да Bentley футбаліста і паспрабавала яго спыніць, аднак гулец усё ж здолеў з'ехаць.

Пасля гэтага фанаты спынілі самаход іншага футбаліста «Рэала» - нападніка Хэсэ. Форвард апусціў бакавую шубу і пагутарыў з заўзятарамі, пасля чаго таксама адправіўся дадому.

Дзеянні заўзятараў раскрытыкаваў віцэ-капітан мадрыдцаў Сэрхіё Рамас. «Што з вамі адбываецца? Вы думаеце, што робіце правільна?» - спытаў футбаліст.

Матч паміж «Барселонай» і «Рэалам» прайшоў 22 сакавіка ў сталіцы Каталоніі. «Сіне-гранатавыя» перамаглі з лікам 2:1 дзякуючы галам Жэрэмі Мацье і Луіса Суарэса, за мадрыдскі клуб забіў Крышціяну Ранальду. Дзякуючы перамозе каталонцы павялічылі свой адрыў ад «Рэала» ў турнірнай табліцы да чатырох бадлаў. Пасля 28-га тура «Барселона» ў лідэрах з 68 баламі ў актыве, на рахунку мадрыдцаў 64 балы.

Бэйл выступае за «Рэал» з 2013 года, ён забіў 27 мячоў у 52 матчах у складзе клуба. «Каралеўскі клуб» купіў валійскага форварда ў лонданскага «Тотэнхэм» за суму 100 мільёнаў еўраў, што з'яўляецца цяперашнім трансферным рэкордам свету.