На вуліцах Светлагорску з'явіліся антысеміцкія лозунгі
11- 26.03.2015, 20:26
- 15,374
Экстрэмісцкія графіці былі зробленыя ўночы з 21 на 22 сакавіка ў грамадскіх месцах Светлагорска.
Іх, сярод іншага, зрабілі на фасадзе будынка падстанцыі, паркане лякарні, прыпынку грамадскага транспарту, гандлёвым кіёску.
«Надпісы былі выкананыя чорным фарбавальнікам, яны суправаджаліся гексаграмай у выглядзе двух накладзеных трыкутнікаў - шасціканцовай зоркі. Цяпер следчыя супольна з супрацоўнікамі райаддзела міліцыі высвятляюць асоб, якія маюць дачыненне да гэтых актаў вандалізму», - паведаміла БелаПАН афіцыйная прадстаўніца УСК Гомельскай вобласці Марыя Крываногава.
Нагадаем, у канцы снежні 2014 года невядомыя апаганілі будынак грамадскага аб'яднання «Гомельская абласная габрэйская абшчына «Ахдут». На фасадзе і брамцы яны намалявалі свастыку і напісалі «галакост», а на паркане - «смерць габрэям».
У пачатку сакавіка ў Светлагорску невядомыя размалявалі чорным фламастэрам скульптуру «Прынцэса сонечнага горада» - сімвал Светлагорска і аблілі фарбай бюст пахаванага ў Светлагорску Героя Савецкага Саюза туркмена Клычніяза Азалава.
Паводле гэтай злачынства Следчы камітэт распачаў справу паводле артыкула 341 Крымінальнага кодэкса (апаганенне будынкаў і псаванне маёмасці).