Фатограф зняў палёт ласкі на дзятле
17- 3.03.2015, 17:24
- 64,983
Фатаграфія, якую ў сваім Twitter упершыню апублікаваў арнітолаг Джэйсан Уорд, менш чым за пяць дзён набрала каля 6,5 тысячы копій.
У Лонданскім парку Хорнчэрч фатограф-аматар Марцін Ле-Мэй здолеў зняць палёт ласкі на дзятле. Пра гэта паведамляе Business Insider. Фатаграфія, якую ў сваім Twitter упершыню апублікаваў арнітолаг Джэйсан Уорд, менш чым за пяць дзён набрала каля 6,5 тысячы копій. Фота дадалі ў абранае амаль пяць тысяч разоў, піша Lenta.ru.
На здымку відаць, як драпежная жывёліна ляціць на дзятле, учапіўшыся за ягоную спіну. На наступных кадрах, якія апублікаваў Business Insider, паказана, як жывёліны падаюць на зямлю і працягваюць барацьбу. У каментары выданню Ле-Мэй адзначыў, што дзяцел здолеў паляцець з ласкай, якая напала на яго.
Выданне ўдакладняе, што хутчэй за ўсё, ласка спрабавала не пракаціцца на дзятле, а з'есці яго. Гэтыя невялікія драпежнікі вядомыя тым, што любяць залазіць у гнёзды і есці яйкі птушак.