Джахар Царнаеў прызнаў віну ў выбухах на Бостанскім марафоне

Адвакатка будзе даводзіць, што Джахар апынуўся пад уплывам старэйшага брата.

У судзе Бостана, які пачаў разгляд паводле справы аб тэрарыстычных выбухах на Бостанскім марафоне, адвакатка Джахара Царнаева заявіла прысяжным аб прызнанні яе падабаронным сваёй віны, паведамляе ВВС.

Яна плануе даводзіць прысяжным, што Царнаеў, якому пагражае смяротнае пакаранне, апынуўся пад уплывам свайго старэйшага брата Тамерлана.

Яму прад'явілі звыш 30 абвінавачванняў, у тым ліку ў забойстве паліцэйскага ўжо пасля выбухаў.

У залі суда прысутнічалі пацярпелыя ад тэракту, у тым ліку і тыя, хто стаў у выніку выбухаў інвалідам, піша «Корреспондент».

Пракурор заявіў, што ўзарваныя бомбы па сваім тыпу падобныя на тыя, якія часта выкарыстоўваюць тэрарысты з мэтай нанесці максімальную колькасць калецтваў.

Чым меркаваныя парыжскія тэрарысты нагадваюць братоў Царнаевых

Раней паведамлялася, што Джахару Царнаеву пагражае смяротнае пакаранне.

Джахар Царнаеў падазраецца ў тым, што разам з братам Тамерланам у красавіку 2013 арганізаваў серыю выбухаў паблізу фінішу знакамітага Бостанскага марафону (штат Канэктыкут). Сам ён заявіў у судзе, што не прызнае сваёй віны. У выніку тэракту загінулі тры чалавекі, больш за 260 атрымалі раненні. Пазней Тамерлан Царнаеў быў забіты ў перастрэлцы.

Малюнак: АР