Гурту BRUTTO забаранілі выступаць у Нямеччыне

У сувязі з забаронай беларускі гурт BRUTTO выступіў з заявай.

«У сувязі з паклёпам і разгорнутым планамерным цкаваннем ў нямецкай інфармацыйнай прасторы, гурту BRUTTO забаранілі правядзенне канцэртаў у Нямеччыне.

Ілжывыя абвінавачванні і падтасаваныя факты запісалі гурт BRUTTO у разрад неанацысцкіх.

Гурт BRUTTO заяўляе: ніводны з яе ўдзельнікаў не з’яўляецца чальцом неанацысцкіх экстрэмісцкіх і любых іншых радыкальных арганізацыяў. Мы - супраць гвалту, супраць вайны, супраць дыскрымінацыі паводле расавай і палавой прыкмеце.

У сваіх песнях апяваем свабоду, антытаталітарызм, агульначалавечыя каштоўнасці. Мы - музычны калектыў і хочам сваёй музыкай аб'ядноўваць людзей розных поглядаў і светапоглядаў. Мы - інтэрнацыяналісты і хочам, каб ва ўсім свеце панавала дабро.

P.S. Крымінальная паліцыя Нямеччыны разбіраецца ў інцыдэнце і абяцае знайсці арганізатараў і заказчыкаў паклёпніцкай акцыі супраць BRUTTO. Прыносім прабачэнні сваім фанатам ў Нямеччыне.

Праўда пераможа! Сустрэнемся на канцэртах!», - гаворыцца ў заяве, атрыманай рэдакцыяй charter97.org.