Працоўныя МАЗа атрымалі толькі чвэрць заробку

Пра тое, калі выплацяць астатнія грошы, рабочым не паведамілі.

Чытачы charter97.org, рабочыя МАЗа распавялі пра затрыманні заробкаў, якіх раней не было.

«На МАЗе пачалі затрымліваць заробак. Звычайна мы яго атрымліваем роўнымі часткамі 10-20 чысла. Дык вось, 10 чысла далі толькі 25% ад заробку без папярэджанняў аб тым, калі будзе астатняя частка. А самае галоўнае, што ўсе пра гэта маўчаць», - піша адзін чытач.

Іншы чытач пацвярджае інфармацыю і ўдакладняе, што праблема таксама і з адпускнымі.

«На МАЗе - далёка не найлепшае фінансавае становішча. Не выдаюць нават заслужаныя адпускныя. Людзі, якія пісалі заяву на адпачынак у пачатку сакавіка і адпачывалі ў красавіку, дагэтуль не атрымалі адпускных», - піша іншы чытач.

На прадпрыемстве charter97.org каментаваць сітуацыю адмовіліся.

Нагадаем, нядаўна паведамлялася аб праблемах на МАЗе: праз недахоп працы да 6 красавіка на прадпрыемстве былі прымусовыя вакацыі, а рабочыя МАЗа ўжо даўно кажуць пра тое, што прадпрыемства знаходзіцца ў крытычным становішчы.

Нагадаем, у апошні час многія прадпрыемствы пераводзяць на скарочаны працоўны тыдзень або вымушаюць працаўнікоў пісаць заявы аб адпачынках за свой кошт. Так, толькі на пачатаку сакавіка ў рэдакцыю charter97.org паступілі скаргі з такіх прадпрыемстваў як «Гомсельмаш», Асіповіцкі завод аўтамабільных агрэгатаў, Светлагорскі завод жалезабетонных вырабаў, Бабруйскі завод дэталяў і агрэгатаў, «Магілёўтрансмаш», «Строммашына», МТЗ, «Гомельдрэў», Мінскі падшыпнікавы завод, Беларуская чыгунка, ААТ «Віцебскія прадукты» ды іншыя.