Элізабэт II святкуе першы ў годзе дзень нараджэння

Каралева Вялікабрытаніі адзначае сёння першы ў гэтым годзе дзень нараджэння.

Другі, згодна з традыцыяй, уведзенай Эдуардам VII, яна адсвяткуе разам з усімі брытанцамі ў чэрвені, перадае BBC.

21 красавіка брытанскай каралеве, найстарэйшаму ў свеце манарху, спаўняецца 89 гадоў.

Каралева Элізабэт узышла на трон 6 лютага 1952 года, пасля смерці свайго бацькі, караля Георга VI.

Цырымонія каранацыі Элізабэт II адбылася ў Вэстмінстэрскім абацтве 2 чэрвеня 1953 года. Гэта была першая каранацыя брытанскага манарха, трансляваная праз тэлевізію.