Лінас Лінкявічус: На ўсходзе Украіны - тысячы адзінак цяжкай тэхнікі з Расеі

Сепаратысты і Расея, што вядзе іх падтрымку, разгарнулі ў Данбасе тысячы цяжкіх вайсковых транспартных сродкаў.

Таму вайсковыя дзеянні ў Данецку і Луганску могуць аднавіцца ў любы час. Пра гэта пасля сустрэчы з міністрам замежных спраў Украіны заявіў міністр замежных спраў Літвы Лінас Лінкявічус, піша ru.DELFI.lt.

З ягоных слоў, сітуацыя з бяспекай ва Усходняй Украіне нестабільная і далікатная, а цяжкае ўзбраенне, уключаючы танкі, размешчаныя не толькі вакол Данецка або Луганска, але і на іншых акупаваных тэрыторыях.

«Такім чынам, неабходна вельмі ўважліва сачыць за сітуацыяй, у што яна можа выліцца найбліжэйшай будучыняй - праз тэлефон з Брусэля паведаміў Лінкявічус. - Калі гэта ўзбраенне сабранае, то, відавочна, ёсць на гэта прычыны, таму адпрэчыць магчымасць эскалацыі цяжка».

Нягледзячы на напружанасць, Павел Клімкін запэўніў Лінкявічуса, што Кіеў па-ранейшаму прытрымліваецца Менскіх пагадненняў у Данбасе.