Кіеў пакуль не паведамляў Менску аб затрыманні беларускіх наймітаў

Менск не атрымліваў афіцыйнага паведамлення ад украінскага боку аб затрыманні двух грамадзян Беларусі.

Пра гэта паведамляе РІА «Новости» са спасылкай на прэс-службу Міністэрства замежных спраў Беларусі.

Напярэдадні кіраўнік вайскова-грамадзянскай адміністрацыі Луганскай вобласці Генадзь Маскаль заявіў, што на блокпосце пры выездзе з Лісічанску былі затрыманыя двое грамадзян Беларусі. Затрыманыя сцвярджаюць, што яны спрабавалі трапіць на падкантрольную так званай «Луганскай народнай рэспубліцы» тэрыторыю, каб ваяваць на баку тэрарыстаў, а канкрэтна - у бандзе забітага напярэдадні Аляксея Мазгавога ў Алчэўску.

«Афіцыйнага апавяшчэння мы не атрымлівалі. Амбасада Беларусі ў Кіеве вядзе працу ў высвятленні ўсіх абставінаў», - паведамляе прэс-служба МЗС РБ.