Лекары хуткай дапамогі ў Пецярбургу пабіліся з паліцыянтамі
14- 27.05.2015, 16:49
- 24,579
У Прыморскім раёне Санкт-Пецярбурга два лекары хуткай дапамогі пабіліся з супрацоўнікамі праваахоўных органаў.
Прычынай канфлікту стала ўжыванне медработнікамі піва ў грамадскім месцы, піша fontanka.ru.
Удакладняецца, што цяпер у аддзяленне Следчага камітэта Прыморскага раёна Пецярбурга накіраваны рапарт на распачынанне крымінальнай справы паводле артыкула 318 («Ужыванне гвалту ў дачыненні да прадстаўніка ўлады») Крымінальнага кодэкса Расеі
Бойка адбылася 26 траўня каля дома №26 па Каламяжскім праспекце. Лейтэнант і капітан паліцыі зрабілі супрацоўнікам хуткай дапамогі заўвагу аб ужыванні алкаголю. Затым пасварыліся, у выніку чаго адзін з лекараў ударыў паліцэйскіх электрашокерам. Пасля таго, як паліцэйскія паспрабавалі затрымаць работнікаў хуткай дапамогі, пачалася бойка.