ЕБРР набудзе 25% акцый «Белінвестбанка»

Пакет акцый ААТ «Белінвестбанк» у памеры 25% будзе прададзены Еўрапейскаму банку рэканструкцыі і развіцця.

Пра гэта заявіў старшыня праўлення НББ Павел Калавур на прэс-канферэнцыі ў аўторак у Менску, паведамляе «Інтэрфакс».

«Праводзіцца адпаведная праца з Еўрапейскім банкам рэканструкцыі і развіцця», - сказаў Калавур.

З ягоных слоў, «цяпер рыхтуецца мемарандум, які будзе падпісаны ў траўні».

«У адпаведнасці з мемарандумам 25% акцый можа набыць ЕБРР, каб здзейсніць папярэднюю падрыхтоўку і ў далейшым правесці адчужэнне гэтых акцый стратэгічнаму інвестару», - растлумачыў Калавур.