Curiosity зняў відэа заходу Сонца на Марсе
2- 9.05.2015, 15:10
- 4,179
NASA паказала відэа марсіянскага заходу, складзенае з фатаздымкаў, знятых Curiosity ў канцы 956-га марсіянскага дня са свайго месцазнаходжання ў кратары Гейла.
Аб гэтым паведамляецца на сайце агенцтва, піша Lenta.ru.
Атрыманыя пры дапамозе камеры Mastcam выявы заходу з'яўляюцца першымі, знятымі Curiosity ў колеры. Фатаграфіі былі апрацаваны для выдалення артэфактаў здымкаў, аднак прыкладна ў такім колеры чалавечае вока павінна бачыць марсіянскі закат.
Марсіянскі ровер Curiosity адправіўся да Чырвонай планеты 26 лістапада 2011 года пры дапамозе ракеты-носьбіта Atlas V 541 з касмадрома на мысе Канаверал у Фларыдзе. Пасадка на планету адбылася 6 жніўня 2012 года ў раёне кратэра Гейла. Гэта трэці марсаход, запушчаны NASA у межах праграмы Mars Science Laboratory.
З больш чым за 40 зондаў, якія паляцелі да Марса, менш чым палове атрымалася паспяхова завяршыць свае місіі. Цяпер на паверхні Марса функцыянуюць два ровера - Curiosity і Opportunity.