Абама заклікаў Пуціна вывесці войскі з Украіны
- 26.06.2015, 9:11
- 5,266
Прэзідэнт ЗША запатрабаваў ад кіраўніка РФ выканаць менскія пагадненні.
Барак Абама падчас тэлефоннай размовы заклікаў Уладзіміра Пуціна вывесці расейскія войскі з Украіны. Пра гэта гаворыцца ў афіцыйнай заяве Белага дома, паведамляе "Лiга.нет" са спасылкай на AFP.
«Прэзідэнт Абама зноў заявіў, што Расея мусіць выконваць свае абавязанні ў адпаведнасці з менскімі пагадненнямі, уключаючы вывад усіх расейскіх войскаў і тэхнікі з тэрыторыі Украіны», - гаворыцца ў заяве.
Падчас размовы, акрамя канфлікту ў Данбасе прэзідэнт ЗША і кіраўнік РФ абмеркавалі барацьбу з Ісламскай дзяржавай, грамадзянскую вайну ў Сірыі і перамовы аб іранскай ядзернай праграме.
Паведамляецца, што ініцыятарам размовы быў Уладзімір Пуцін.
Нагадаем, раней камандуючы ўзброеных сіл Арганізацыі Паўночнаатлантычнай дамовы ў Еўропе Філіп Брыдлав заявіў, што няма ніякіх прыкмет таго, што Пуцін збіраецца сыходзіць з Данбаса.