Пратэсты ў Ерэване: палітыкі сталі «жывым шчытом» паміж паліцыяй і дэманстрантамі

Дэпутаты, грамадскія і палітычныя дзеячы, прадстаўнікі шоў-бізнэсу сталі ў жывы шчыт паміж паліцыяй і дэманстрантамі ў цэнтры Ерэвана.

Сябра ініцыятывы «Не рабунку!» Вахінак Шушанян зачытаў заяву, у якой адзначыў, што ўлада не выканала патрабаванні пратэстоўцаў. Пры гэтым, паводле ягоных слоў, гэта барацьба не аднаго дня, і патрабуецца змена формаў барацьбы. Ён абвясціў, што прынятая пастанова пакінуць ператнуты праспект Баграмяна і на Плошчы Свабоды прадоўжыць барацьбу, паведамляе 1in.am.

Удзельнікі па-рознаму ацанілі заяву. Частка з іх выказала намер застацца на Баграмяна.

Выстраеныя ў шэрагі супрацоўнікі паліцыі стукаюць дубінкамі ў шчыты, піша Lenta.ru. Прадстаўнікі паліцыі запатрабавалі ад дэманстрантаў на праспекце вызваліць тэрыторыю і перайсці на плошчу Свабоды. Перамовы з імі вядзе дэпутат парламента Нікол Пашынян, які заявіў, што «выкарыстанне гвалту недазваляльнае».

«Каардынатары руху «Не рабунку» выступілі з заявай і заклікалі вас вызваліць праспект і перайсці на плошчу Свабоды. Тых, хто застаецца тут і, асабліва, тых, хто стаіць на смеццевых кантэйнерах і ўзяў на сябе каардынатарскую дзейнасць, заклікаю спыніцца, у адваротным выпадку паліцыя законнымі метадамі і сродкамі спыніць гэта незаконнае сход», - сказаў праз гучнагаварыцель намеснік начальніка паліцыі Ерэвана Валерый Асіпян.

Раней у нядзелю, 28 чэрвеня, улады паабяцалі аднавіць парадак на вуліцах сталіцы Арменіі да канца дня. «Паліцыя заклікае грамадзян разысціся пасля сённяшняга мітынгу вечарам ці вярнуцца на плошчу Свабоды, не перацінаць вуліцы», - сказаў Асіпян.

Ён адзначыў, што 27 чэрвеня прэзідэнт Арменіі Серж Саргсян пагадзіўся пайсці на саступкі пратэстоўцам і паабяцаў, што ўрад возьме на сябе цяжар выдаткаў, звязаны з падвышэннем тарыфаў на электраэнэргію. Гэта, на думку начальніка паліцыі Ерэвана, «і было перамогай пратэстоўцаў».

Паводле заявы Саргсяна, урад дамовіўся з сустаршынём армяна-расейскай міжурадавай камісіяй, міністрам транспарту РФ Максімам Сакаловым аб правядзенні аўдыту кампаніі «Электрычныя сеткі Арменіі», якая з'яўляецца даччынай кампаніяй ІНТЭР РАО ЕЭС. Пры гэтым кіраўнік дзяржавы адзначыў, што скасаванне пастановы аб падвышэнні тарыфаў вельмі небяспечнае.

Пасля слоў прэзідэнта пратэстоўцы супраць падвышэння тарыфаў пачалі святкаваць перамогу, аднак арганізатары дэманстрацый заявілі, што маюць намер дамагацца поўнага скасавання пастановы аб падвышэнні тарыфаў і не разблакуюць праспект Маршала Баграмяна. Сваю пазіцыю яны патлумачылі тым, што ўлады хочуць «падкласці пад галаву мяккую падушку» і маюць намер развязваць праблему за кошт бюджэту, «які належыць народу».

Дэманстрацыі на праспекце Маршала Баграмяна праходзяць з 22 чэрвеня. Уночы 23 чэрвеня паліцэйскія паспрабавалі разагнаць удзельнікаў з дапамогай вадамётаў, тады былі затрыманыя 237 чалавек (на наступны дзень іх адпусцілі). Пры гэтым да таго, як выйсці на праспект, пратэстоўцы з 19 чэрвеня праводзілі сядзячы страйк на плошчы Свабоды перад Ерэванскім оперным тэатрам.