Фотафакт: Горад у Расеі затапіла нафтай

У прыгарадзе Нефцеюганска Ханты-Мансійскай аўтаномнай акругі другі дзень супрацоўнікі МНС РФ спрабуюць ліквідаваць наступствы прарыву нафтаправода.

Пра гэта паведамляе "Юграпро".

Плошча разліву нафты ўжо перавышае 10 гектараў. Ва ўмовах паводкі яна можа прывесці да экалагічнай катастрофы. «Ну вось, цяпер нас не проста топіць, а топіць з нафтай. Цяпер ні выкупацца, ні рыбы не будзе, ні на лецішчы нічога расці не будзе. Пасля ўчорашняга парыву труб», - напісала ў сацыяльнай сетцы жыхарка Нефцеюганска Яўгена Чарнова.

Раней жыхары Ніжневартаўска, Сургута, Нефцеюганска ўжо пацярпелі ад затаплення, але ўлады аўтаномнай акругі не вядуць дзейсных захадаў. У выніку жыхары Ніжневартаўска звярнуліся наўпрост да кіраўніка Расеі Уладзіміра Пуціна.