Брытанскія экспэрты: «Ісламская дзяржава» выкарыстоўвае хімічную зброю

Чуткі пра тое, што тэрарыстычная групоўка выкарыстоўвае хімічную зброю ў Сірыі і Іраку, пацвердзіліся.

Дзве незалежныя арганізацыі правялі расследаванне, выявіўшы, што «Ісламская дзяржава» прымяняе прылады, напоўненыя рознымі рэактывамі, піша NEWSru.com.

Раней СМІ паведамлялі аб тым, што экстрэмісты пачалі адаптаваць бомбы тэрарыстаў-смяротнікаў і самаробныя выбуховыя прылады для дадавання хлору і іншых хімікатаў. Расследаванне кампаній Conflict Armament Research (CAR) і Sahan Research, якія базуюцца ў Вялікабрытаніі, пацвердзілі гэтую інфармацыю, паведамляе CNN.

Групы экспэртаў правяралі дакладнасць паведамленняў аб трох хімічных атаках за мінулы месяц. Два інцыдэнты адбыліся ў правінцыі Эль-Хасаке на поўначы Сірыі, дзе ісламісты былі заблакаваныя ў баі з курдамі з атрадаў народнай самаабароны. Трэці выпадак зафіксавалі на поўначы Ірака, калі набой, выпушчаны з 120-міліметровай прылады ўпаў паблізу курдскіх пазіцый ля дамбы «Масул», але не выбухнуў.

Паводле вынікаў расследавання ў CAR прыйшлі да высновы, што гэта «першы задакументаваны выпадак выкарыстання «Ісламскім дзяржавай» хімічнай зброі супраць курдаў і грамадзянскіх аб'ектаў».

Як распавёў выканаўчы дырэктар незалежнай кампаніі Джэймс Беван, група экспэртаў адправілася да дамбы на поўначы Ірака праз тыдзень пасля прымянення хімічнай зброі. Але нават праз гэты час цёмна-жоўтая вадкасць, уцечка якой адбылася з набою, мела моцны характэрны пах. «У чальцоў следчай групы пачаліся галаўныя болі і млоснасць, калі яны знаходзіліся паблізу набоя», - сказаў суразмоўца CNN, патлумачыўшы, што менавіта такія сімптомы з'яўляюцца ад уздзеяння хлору на арганізм.

Пасля ацэнкі незалежных экспэртаў набой адправілі для далейшай праверкі мясцовым уладам. Адзін з высокапастаўленых курдскіх чыноўнікаў нагадаў, што ў Іраку ўжо былі выпадкі прымянення зброі з выкарыстаннем хлору.

Астанкі набою, знойдзеныя ў сірыйскай правінцыі Эль-Хасаке, таксама мелі з'едлівы пах, выклікаючы моцнае раздражненне горла і вачэй.

У чэрвені гэтага года кіраўніца МЗС Аўтраліі Джулі Бішоп заявіла, абапіраючыся на звесткі аўстралійскай выведкі, што ісламісты збіралі радыяактыўны матэрыял у шпіталях і даследчых лабараторыях у захопленых імі гарадах. Пры гэтым адзначалася, што атрыманыя рэчывы дазволяць тэрарыстам стварыць зброю масавай паразы. У МЗС РФ здзівіліся, што аўстралійскія ўлады так паспешліва апублікавалі атрыманыя выведзвесткі.

У 2014 годзе баевікоў ІД неаднаразова абвінавачвалі ва ўжыванні газападобнага хлору ў Іраку.

У сярэдзіне верасня паведамлялася, што ісламісты абстралялі горад Дулуйя (правінцыя Салах-Эд-Дын) набоямі з хлорам. Паведамлялася аб дзесятках пацярпелых.

Акрамя таго, баевікі ў верасні атакавалі ў правінцыі Анбар батальён іракскага войска. Праз атручванне хлорным газам загінула не менш за 300 вайскоўцаў.

Тэрарысты таксама ўжылі хімічную зброю пры абстрэле пазіцый іракскіх войскаў пад Фалуджы.

У кастрычніку СМІ паведамілі, што ў бальніцу, размешчаную за 80 кіламетраў на поўнач ад Багдаду, былі дастаўлены 11 іракскіх паліцэйскіх, якім лекары паставілі дыягназ «атручэнне газападобных хлорам».

У снежні 2014 крыніцы паведамлялі аб тым, што баевікі ІД ужываюць газападобны хдло супраць мірнага насельніцтва падчас баёў за горад Хіт у правінцыі Анбар на захадзе краіны. Тэрарысты абстралялі жылыя раёны мінамётнымі набоямі, начыненымі хлорам.

Улетку стала вядома, што баевікі ІД захапілі стары завод вытворчасці хімічнай зброі, размешчаны за 75 кіламетраў ад Багдаду, на якім пры рэжыме Садама Хусэйна вырабляліся атрутныя рэчывы, у тым ліку гарчычны газ і зарын. Паводле звестак ЦРУ, пасля першай вайны ў Персідскім заліве ў 1991 годзе завод спыніў выпускаць хімзброі, але ядахімікаты заставаліся на складах.

Набоі з хлорным газам баевікі маглі захапіць і на тэрыторыі Сірыі. Атрутныя рэчывы гэтага тыпу не ўвайшлі ў пералік зброі масавай паразы рэжыму Башара Асада, якая падлягае знішчэнню. Сірыйскае войска неаднаразова ўжывала яго супраць сваіх паўстанцаў.

Раней баевікоў ІД падазравалі і ў выкарыстанні хімзброі на тэрыторыі Сірыі. Паводле звестак прадстаўнікоў курдскіх сіл правапарадку і місіі міжнародных назіральнікаў, у перыяд з 21 да 28 чэрвеня 2015 ў правінцыі Эль-Хасаке баевікі ўжылі супраць курдскіх атрадаў народнай самаабароны «самаробныя хімічныя набоі».