Прэм'ер Грэцыі не выключае правядзення датэрміновых выбараў

Прэм'ер-міністр Грэцыі Алексіс Цыпрас заявіў у сераду, што ён можа быць вымушаны абвясціць датэрміновыя выбары.

Пра гэта паведамляе «Еўрапейская праўда» са спасылкай на Reuters.

Са слоў Цыпраса, на такі крок ён будзе вымушаны пайсці ў выпадку, калі не будзе «працуючай парламенцкай большасці».

«Я быў бы апошнім, хто хацеў бы выбараў, калі б у мяне была стабільная парламенцкая большасць, для таго каб прапрацаваць да канца чатырохгадовы тэрмін», - заявіў ён.

«Але калі ў мяне не будзе парламенцкай большасці, мы будзем вымушаныя ісці на выбары», - заявіў прэм'ер Грэцыі.

Урад Грэцыі разглядае 18 жніўня як аптымальную дату сканчэння перамоў. Гэты тэрмін вызначаны з тым, каб Грэцыя магла нармальна правесці 20 жніўня плацеж у дзяржаўнай запазычанасці на 3,2 мільярда еўраў на карысць ЕЦБ.

Акрамя таго, грэцкі парламент ухваліў законапраект аб паскарэнні рэформы грамадзянскага судаводства і аздараўленні фінансавых інстытутаў, на чым настойваў Еўрапейскі Звяз.