Беларусь увайшла ў топ-10 самых дэкадэнцкіх краін свету
6- 29.07.2015, 21:09
- 13,371
Краіна лідэруе па ўжыванні алкаголю і паленню цыгарэт.
Паводле рэйтынгу, які склала амерыканскае агенцтва Bloomberg, Беларусь заняла дзявятае месца ў дзясятцы самых дэкадэнцкі краін у свеце, аднак краіна лідэруе ва ўжыванні алкаголю і паленні цыгарэт. Восьмае месца заняла Расея, трынаццатае - Украіна. На першай пазіцыі выявілася Чэхія, пішуць «Беларускія навіны».
Экспэрты Bloomberg вызначаюць дэкадэнцтва, абапіраючыся на розныя фактары.
Сярод іх:
- Колькасць літраў алкаголю, якую выпівае дарослы за год;
- Лік выпаленых цыгарэтаў;
- Ужыванне амфетамінаў;
- Ужыванне канопляў;
- Ужыванне іншых цяжкіх наркотыкаў, а таксама страты ад азартных гульняў у працэнтных суадносінах да ВУП краіны.
Пад дэкадэнцтва кожны чалавек разумее нешта сваё, паведамляе 420on.cz. Многія праводзяць асацыяцыі хутчэй з маральным заняпадам. Так ці інакш, але нельга не адзначыць, што ў многіх пунктах рэйтынгу Чэхія вядзе з прыстойным адрывам.
Напрыклад, краіна лідэруе ў спажыванні алкаголю. Тут Чэшская Рэспубліка - на чацвёртым месцы. Наперадзе - Беларусь, Украіна і Эстонія. Дзявятая ў колькасці выпаленых цыгарэтаў на аднаго дарослага чалавека на год. Дванаццатая па колькасці прайграных сродкаў і першая ва ўжывання канопляў. І калі дзесьці краіна не на першых пазіцыях, то агульны бал Чэхіі - 64, 5. Гэта амаль на шэсць больш, чым у Славеніі, якая заняла другое месца ў рэйтынгу.
У Расеі агульны бал - 49, 6. Краіна уваходзіць у першую дзясятку ва ўжыванні алкаголю, трохі апярэдзіла Чэшскую Рэспубліку ў ліку выпаленых цыгарэтаў. У Расеі даволі нізкі паказчык у азартных гульняў і ўжыванні канопляў. У Беларусі агульны бал склаў 49, 4. Аднак краіна знаходзіцца на першым месцы ва ўжыванні алкаголю і лідэруе ў ліку цыгарэт. Украіне экспэрты Bloomberg далі 47, 5 балаў. Паводле даследавання, ва Украіне п'юць менш, чым у Беларусі, але колькасць алкаголю на аднаго дарослага чалавека на год даволі вялікая. Затое краіна паказвае нізкія паказчыкі ва ўжывання амфетамінаў і азартных гульняў.
Славаччына заняла ў рэйтынгу 18-е месца, набраўшы агулам 44, 8 бала. ЗША на 16-м месцы, а Вялікая Брытанія на 17-м.
Самымі не дэкадэнцкімі краінамі сталі: Сальвадор, Замбія, Гватэмала, Балівія і Венесуэла.
Топ 10 самых дэкадэнцкі дзяржаў паводле версіі Bloomberg:
1. Чэхія
2. Славенія
3. Аўстралія
4. Арменія
5. Балгарыя
6. Гішпанія
7. Боснія і Герцагавіна
8. Расея
9. Беларусь
10. Грэцыя
Bloomberg - прыватная кампанія, вядучы пастаўшчык фінансавай інфармацыі для прафесійных удзельнікаў фінансавых рынкаў. Асноўны прадукт - Bloomberg Terminal. Акрамя Bloomberg Terminal, важным прадуктам з'яўляюцца спецыялізаваныя тэлевізійныя каналы BloombergTV, часопісы Bloomberg Markets, Bloomberg BusinessWeek і сайты Bloomberg.com, BusinessWeek.com.