Казіно ў Беларусі губляюць прыбытак

Казіно эстонскай групы OEG у Беларусі страцілі амаль 50% прыбытку.

ЗАТ «Olympic Casino Group Baltija», якое працуе ў Літве, у першым паўгоддзі гэтага года зафіксавала ледзь не самы маленькі рост сярод усіх казіно эстонскай групы ў азартных гульнях «Olympic Entertainment Group» (OEG). Найбольшае падзенне даходаў - 49,6%, прадэманстраваў бізнэс, які знаходзіцца ў Беларусі, піша літоўская дзелавая газета Verslo Zinios (пераклад - charter97.org).

За паўгода ЗАТ «Olympic Casino Group Baltija» зарабіла 10,789 млн еўраў, на 0,8% менш, чым за той жа перыяд часу летась. За год колькасць кіраваных OEG казіно знізілася з 17 да 12, гаворыцца ў паведамленні Nasdaq Tallinn.

Горш, чым «Olympic Casino Group Baltija» ў першым паўгоддзі сябе паказалі гульнявыя дамы OEG, якія працуюць у Беларусі. Даходы за год знізіліся на 49,6% да 487 тысяч еўраў, хоць колькасць казіно вырасла з 2 да 6. У той жа час EBITDA абрынулася на 21%, да 0,2 млн еўраў.

Найлепшыя вынікі ў групе паказала Італія - тут даходы павялічыліся на 95,9%, да 4,825 млн еўраў, а колькасць гульнявых дамоў знізілася з 12 да 11. EBITDA вырасла на 51,1%, да 0,4 млн еўраў.

На 20% - з 21,682 млн еўраў да 26,052 млн, выраслі даходы азіно OEG у Латвіі.

Уся група ў першым паўгоддзі, у параўнанні з тым жа перыядам у 2014, зарабіла на 12,1% больш - 80,7 млн еўраў.

У першым паўгоддзі група інвеставала ў новае гульнявое абсталяванне - 2,9 млн еўраў і 8,8 млн еўраў у будаўніцтва гатэляў і рэканструкцыю казіно.