Магілёўскі вакзал «замінавала» 53-гадовая беспрацоўная

За ілжывае «мінаванне» чыгуначнага вакзалу ў Магілёве жыхарцы Магілёўскага раёна пагражае да пяці гадоў пазбаўлення волі.

Пра гэта паведамілі БелТА ў аддзяленні інфармацыі і грамадскіх сувязей УУС Магілёўскага аблвыканкама.

На спецлінію «102» 5 ліпеня а 17.49 у Магілёве патэлефанавала невядомая і паведаміла, што чыгуначны вакзал абласнога цэнтра замінаваны. На месца здарэння выехалі супрацоўнікі праваахоўных органаў, прадстаўнікі пракуратуры і МНС, а таксама сапёрна-піратэхнічная група в/ч 6713. Неадкладна супрацоўнікамі АУС арганізаваная і праведзеная эвакуацыя блізу 300 пасажыраў і 40 служачых чыгуначнага вакзалу. Падчас праведзенага комплексу мерапрыемстваў выбуховыя прылады і выбухованебяспечныя прадметы не выяўленыя. Затрымкі ў руху цягнікоў не было.

Следча-аператыўнай групай высветлена, што званок на лінію «102» быў зроблены з аднаго з таксафонаў у Магілёве. Званок учыніла беспрацоўная, раней судзімая за аналагічныя злачынствы, 53-гадовая жыхарка Магілёўскага раёна, якая была высветленая і затрыманая па гарачых слядах.

Магілёўскім міжраённым аддзелам Следчага камітэта Рэспублікі Беларусь распачатая крымінальная справа паводле арт. 340 ч. 1 КК Беларусі (заведама ілжывае паведамленне аб небяспецы), які прадугледжвае пакаранне аж да пазбаўлення волі на тэрмін да пяці гадоў.