Паліцыя разагнала акцыю ў цэнтры Ерэвана: ёсць затрыманыя

Паліцыя затрымала частку ўдзельнікаў пратэсту на праспекце Баграмяна, аднак абяцае неўзабаве вызваліць.

Дакладная колькасць затрыманых людзей пакуль невядомая, паведамляе Armenia today.

Да пачатку разгону акцыі пратэсту паліцыя заклікала журналістаў пакінуць праезную частку праспекта Баграмяна. На праспекце таксама знаходзіўся дэпутат парламента Нікол Пашынян. «Паліцыя запэўніла, што гвалту ў дачыненні да ўдзельнікаў акцыі не будзе. Я тут для таго, каб не дапусціць прымянення гвалту. Гэта мой заклік таксама і да ўдзельнікаў акцыі», - адзначыў ён. На праспект таксама прыбылі дэпутаты ад ППА і лідар ППА Наір Заграбян.

Паліцыянты перарэзалі вяроўкі, якія працягнулі ўдзельнікі акцыі, каб перацяць рух на праспекце, а таксама паспрабавалі адабраць астатнюю вяроўку, каб яны не мелі магчымасць зноў ператнуць праспект. Далей паліцэйскія пачалі падымаць удзельнікаў сядзячай акцыі. Колькасць паліцэйскіх істотна перасягала колькасць пратэстоўцаў. Частку ўдзельнікаў акцыі паліцэйскія выцеснілі або сілком вывялі з праезнай часткі на тратуар, частку - прывялі ў паліцыю. Паліцэйскія ачапілі тратуары, каб не дапусціць выхаду ўдзельнікаў акцыі на праезную частку.

Затрыманых актывістаў пагрузілі ў тры аўтазакі і вывезлі з месца акцыі пратэсту, паведамляе расейская служба BBC.

Усіх астатніх, у тым ліку журналістаў, паліцыя адціснула на тратуары, пасля чаго рух па праспекце Баграмяна быў адноўлены.

Паліцыянты сабраліся да праспекта Баграмяна раніцай у панядзелак. Паліцыя распаўсюдзіла заяву, у якой заклікала ўдзельнікаў акцыі разблакаваць праспект да 12:30. Як паведамлялася, разам з паліцэйскімі прыехаў спецназ.

Дэманстранты, у сваю чаргу, прасілі, каб ім далі час да вечара. «Нас цяпер тут мала. Дайце час, а 21:00 мы збярэмся і прымем пастанову. У адваротным выпадку, вы правакуеце сітуацыю. Гэта правакацыя. Вы будзеце адказныя за ўсе, што тут можа адбыцца. Мы нікуды адсюль не сыйдзем», - заявіў прадстаўнік пратэстоўцаў Давід Санасаран.

Раней пратэстоўцы заявілі, што ў выпадку, калі да вечара панядзелка іх патрабаванні не павінны быць выкананыя, яны пачнуць акцыю «Крок наперад», прасоўваючыся на крок бліжэй да прэзідэнцкага палаца. Улады не прынялі ўльтыматум пратэстоўцаў.