Нямеччына прапанавала выдаць Грэцыі гуманітарную дапамогу

Пытанне выдачы гуманітарнай дапамогі Афінам, магчыма, будзе абмяркоўвацца 7 ліпеня на саміце ў Брусэлі.

Міністр эканомікі ФРГ і старшыня Сацыял-дэмакратычнай партыі Нямеччыны (СДПГ) Зігмар Габрыэль (Sigmar Gabriel) заявіў у панядзелак, 6 ліпеня, што палітыка фінансавай дапамогі ў Грэцыі не працуе і краіне патрэбныя інвестыцыі, перадае Deutsche Welle са спасылкай на агенцтва Reuters.

Са слоў Габрыэля, усе краіны Еўразвяза цяпер павінны быць гатовыя даць гуманітарную дапамогу Афінам.

"Мы павінны вельмі хутка задаволіць іх патрэбы, людзям патрэбна дапамога і мы не павінны адмаўляць ім у гэтым толькі праз тое, што незадаволеныя вынікамі рэферэндуму", - падае агенцтва AFP словы Габрыэля. Палітык выказаў здагадку, што пытанне выдачы гуманітарнай дапамогі Афінам будзе абмяркоўвацца 7 ліпеня на саміце ў Брусэлі.

Са слоў Габрыэля, банкруцтва Грэцыі непазбежнае. "Вынікі рэферэндума - гэта адмова ад правіл эканамічнага і валютнага звязу", - заявіў ён. Калі Афіны хочуць застацца ў еўразоне, яны павінны хутка даць істотныя прапановы, якія "выходзяць за рамкі іх папярэдніх ініцыятыў" і "адпавядаюць інтарэсам усіх 18 краін", падкрэсліў Габрыэль. "Нам патрэбны новы старт", - заявіў міністр.

Нагадаем, у нядзелю грэкі большасцю галасоў адхілілі прапановы міжнародных крэдытораў аб выдачы экстранай пазыкі.

Аднак, многія еўрапейскія палітыкі мяркуюць, што дзверы для перамоў з Афінамі па-ранейшаму адкрытыя.