Паблізу Латвіі другім разам за дзень перахапілі вайсковы самалёт РФ
- 31.08.2015, 19:07
- 8,436
Знішчальнікі паветранай паліцыі NATO другім разам за дзень перахапілі паблізу Латвіі вайсковы самалёт РФ.
Пра гэта паведамляюць Нацыянальныя ўзброеныя сілы Латвіі ў сваім Твітары, піша "Еўрапейская праўда".
"Знішчальнікі паветранай паліцыі 31 жніўня перахапілі над Балтыйскім морам паблізу межаў Латвіі самалёт узброеных сіл РФ - Ан-26", - гаворыцца ў паведамленні.
Air Policing jets on 31 AUG in international airspace above the Baltic Sea near LV border identified RU AF 1x An-26.
— NBS (@Latvijas_armija) 31 августа 2015
Пры гэтым паветраная прастора ніводнай з краін Балтыі парушаная не была.
31 жніўня знішчальнікі NATO перахапілі над Балтыкай 4 вайсковыя самалёты РФ.
Нагадаем, раней паведамлялася, што ў NATO налічылі 250 перахопаў расейскіх вайсковых самалётаў за апошнія паўгода.
Пры гэтым паветраную і марскую прастору дзяржаў яны не парушаюць, аднак у выпадку самалётаў гаворка ідзе пра пагрозу для цывільнай авіяцыі.
У краінах Балтыі і Вялікабрытаніі неаднаразова заяўлялі, што палётамі сваіх самалётаў у іх межах Расея дэманструе сілу і тэстуе рэакцыю NATO.