«Асаблівы» прыватны сектар: як Дразды выглядаюць пасля «Даніэлы»

Пакуль улады змагаюцца з наступствамі «Даніэлы» на цэнтральных вуліцах горада, прыватны сектар у большасці сваёй так і застаецца занесеным снегам.

13 студзеня tut.by адправіўся ў «асаблівы» раён сядзібнай забудовы - у Дразды, каб даведацца, як там ідуць справы пасля цыклона.

Свой маршрут мы склалі па месцах пражывання старажылаў прэстыжнага раёна: па завулках Агатаваму і Смарагдаваму, а таксама па вуліцы Рачной. Ужо на падыходзе да месца прызначэння сустракаем на ўсю моц працуючых камунальнікаў.

Нельга сказаць, што дарогі ў Драздах пачышчаны ідэальна, але перасоўвацца па іх на машыне - не праблема.

Тратуары ў гэтым раёне таксама расчышчаны ад гурбаў, да дамоў вядуць чыстыя дарожкі. Як, напрыклад, вось гэтая, што вядзе да дому бацькі Фёдара Поўнага (справа).

Убачыць жа, як ідуць справы са снегам у дварах, можна не ўсюды. Напрыклад, у экс-прэм'ера і старшыні «савета рэспублікі» Міхаіла Мясніковіча празрысты плот, за якім відаць, што гаспадар ужо прывёў сваю сядзібную тэрыторыю ў парадак.

Зазірнуць жа за плот экс-віцэ-прэм'ера Анатоля Тозіка немагчыма: за сталёвы кратамі - другая лінія агароджы. На падыходах да дома ўсё акуратна расчышчана.

Сабраны снег у кучы і ля катэджа з зялёнымі вокнамі, які належыць былому генпракурору Рыгору Васілевічу. Цяпер ён выкладае на юрфаку БДУ і перасоўваецца па горадзе на грамадскім транспарце. Каля яго дома стаяць аўто далёка не прэстыжных марак.

Сусед Васілевіча - экс-віцэ-прэм'ер Уладзімір Дражын таксама нядрэнна справіўся з наступствамі «Даніэла».

І калі дарогі ў завулках былой палітычнай эліты практычна і не чышчаныя, то на магістралі, па якой ездзіць эліта цяперашняя, - праца ўжо кіпіць.