Качанава: Па тэлевізары няма нармальных дзіцячых перадач
46- 21.10.2016, 9:40
- 8,759
Віцэ-прэм'ер паскардзілася, што выходнымі баіцца браць пульт у рукі.
Аб кантэнце беларускай тэлевізіі выказалася намесніца прэм'ер-міністра Наталля Качанава 20 кастрычніка на семінары-нарадзе аб актуальных пытаннях сацыяльнай сферы з удзелам намеснікаў старшыняў раённых і гарадскіх выканкамаў Менскай вобласці, паведамляе БелаПАН.
«У выходны часам бяру пульт, праглядаю каналы: няма нармальных дзіцячых перадач, якія, да прыкладу, мы ў дзяцінстве глядзелі. А яны ж дзецям цікавыя і такія перадачы павінны быць, у тым ліку на рэгіянальнай тэлевізіі», - сказала Качанава.
«Нам патрэбныя добрыя дзіцячыя перадачы, станоўчая інфармацыя, якую б атрымлівалі нашы дзеці», - заявіла чыноўніца.