Банкі прыпынілі некаторыя грашовыя пералічэнні ва Украіне

Абмежаванне звязана з украінскімі санкцыямі ў дачыненні да расейскіх аплатных сістэм.

Беларускія банкі прыпынілі адпраўку і выплату грашовых пералічэнняў «Юністрым» і Blizko ад фізічных асоб ва Украіну. Абмежаванні звязаны з санкцыямі, якія ўкраінскія ўлады ўвялі ў дачыненні да расейскіх аплатных сістэм, піша tut.by.

«Інфармуем пра тое, што з 20 кастрычніка часова прыпыненая адпраўка і выплата грашовых пералічэнняў «ЮНІСТРЫМ» фізічных асоб на тэрыторыі Украіны», - гаворыцца на сайце Парытэтбанка. У Банку Масква-Менск таксама паведамілі, што спынілі здзяйсняць гэтую аперацыю.

У інфармацыйным цэнтры Парытэтбанка банка пацвердзілі, што прыпынілі адпраўку пералічэнняў праз санкцыі, якія Украіна ўвяла супраць расейскіх аплатных сістэм. Згодна з указам, падпісаным прэзідэнтам Украіны Пятром Парашэнкам, забарона на вядзенне дзейнасці уведзенае для шасці расейскіх аплатных сістэм: «Калібры» (кіруецца Ашчадным банкам), «Залатая карона» (РНКА «Аплатны цэнтр»), «Юністрым» (банк «Юніаструм»), міжнародныя грашовыя пералічэнні «Лідар» (НКА АТ «Лідар»), Anelik (банк «Анелік РУ»), Blizko (Сувязь-банк).

- Але ў аплатнай сістэме ЮНІСТРЫМ дазволена папаўненне банкаўскіх карт, выпушчаных аплатнымі сістэмамі VISA і MasterCard любога банка Украіны, а таксама ажыццяўленне грашовых пералічэнняў на рахункі кліентаў, адкрытыя ва ўкраінскіх банках у любой валюце, - удакладнілі ў Парытэтбанку. - Для гэтага трэба звярнуцца з пашпартам у аддзяленне банка, падаць нумар карты, на якую жадаеце перавесці сродкі. Камісія складае 1,5% ад сумы пералічэння.

Інфармацыю аб прыпыненні адпраўкі і выплаты грашовых пералічэнняў ЮНІСТРЫМ пацвердзілі і ў інфармацыйным цэнтры гэтай аплатнай сістэмы.

У Беларусбанку паведамілі, што з 19 кастрычніка плацежная сістэма Blizko спыніла ажыццяўляць грашовыя пералічэнняў на тэрыторыю Украіны, таму банк прыпыніў выдаванне гэтай паслугі.

- Але кліенты Беларусбанка па-ранейшаму могуць адправіць грашовыя пералічэнні ва Украіну праз сістэмы Western Union і S.W.I.F.T., - адзначаюць там.