Луіс Суарэс: Я заслужыў свае ўзнагароды
2- 21.10.2016, 12:59
- 14,090
Учора форвард «Барселоны» стаў уладальнікам «Залатой буцы».
Нападнік «Барселоны» Луіс Суарэс ацаніў свае шанцы атрымаць «Залаты мяч», піша tribuna.by.
- У выпадку з «Залатым мячом» многае залежыць ад маркетынгу і прэсы. Тыя ўзнагароды, якія я ўжо атрымаў, дасталіся мне заслужана. «Залатую буцу» атрымлівае той, хто больш за ўсіх забіў, і не было варыянтаў, што яе аддадуць камусьці іншаму. А ў выпадку з «Залатым мячом» працуе маркетынг. Мая мэта - зноў выйграць Лігу чэмпіёнаў, гэта было б вельмі выдатна.
- Пакуль Мэсі гуляе, атрымаць «Залаты мяч» немагчыма?
- Вядома (смяецца). Вышэй я казаў пра трапленне ў тройку. Стаць першым немагчыма, таму што мне пашчасціла гуляць з найлепшым футбалістам свету, з выдатным чалавекам. Ён найлепшы ў гісторыі.
- Прыклад Мэсі і Раналду матывуе вас забіваць?
- Я не параўноўваю сябе з кім-небудзь. У мяне ёсць свой стыль гульні, лад жыцця, ён адрозніваецца. Я павінен дапамагаць камандзе. Калі прыходзяць індывідуальныя ўзнагароды - гэта толькі ў радасць, бо я галеадор і часам дзейнічаю эгаістычна. Але партнёры не дазваляюць стаць эгаістам, што вельмі добра.