«Куродымяць як паравозы»: Вайсковыя караблі РФ увайшлі ў Ла-Манш
90- 21.10.2016, 16:47
- 20,723
Брытанскае войска і флот прыведзеныя ў поўную баявую гатоўнасць.
Авіяносцы РФ увайшлі ў Ла-Манш на шляху ў Сірыю. Пра гэта паведамляе BBC (пераклад - liga.net).
Мінабароны Брытаніі сочыць за ўсімі перамяшчэннямі вайсковых караблёў РФ.
У складзе расейскай эскадры знаходзіцца і цяжкі авіяносец «Адмірал Кузняцоў» (ранейшая назва - «Леанід Брэжнеў»).
На відэа бачна, як сілавая ўстаноўка «Кузняцова» выпускае ў неба клубы чорнага дыму. У сеціве пішуць пра засцярогі экалагічнай шкоды, якую прычыняе вайсковы карабель, і жартуюць, што авіяносец загарэўся.
Bloody hell #AdmiralKuznetsov looks on fire #RussianFleet pic.twitter.com/j716KXLM4W
— Jen (@DeltaDelaney) 21 октября 2016 г.
15 кастрычніка паведамлялася, што брытанскі флот прыведзены ў поўную баявую гатоўнасць і гатовы «сачыць за кожным крокам» расейскіх авіяносцаў. Два брытанскія вайсковыя караблі, як мяркуецца HMS Duncan і HMS Richmond будуць суправаджаць усе караблі, якія ідуць побач з брытанскім узбярэжжам.
ЕЗ асудзіла дзеянні РФ у Сірыі, а ААН назвала бамбаванні ў Алепа «злачынствам сусветнага маштабу».