Улады загаварылі пра падаражанне камунальных паслуг

Мяркуючы з заяваў намесніка Кабякова, сума ў квітанцыях да канца года можа вырасці.

Паводле вынікаў 2016 года беларусы будуць аплачваць 60% кошту паслуг жыллёва-камунальнай гаспадаркі. Аб гэтым 30 лістапада на сумесным пасяджэнні «палаты прадстаўнікоў» і «савета рэспублікі» заявіў намеснік прэм'ер-міністра Анатоль Калінін. З ягоных слоў, раней планавалася 50%. Аднак з улікам «шэрагу рэалізаваных праграм, механізмаў, жорсткай ацэнкі і кантролю» з'явіўся іншы ўзровень — 60%, паведамляе euroradio.fm.

Таксама Калінін паведаміў, што, як чакаецца, у 2016 годзе выдаткі беларускага жыллёва-камунальнай гаспадаркі знізяцца на 255 млн. рублёў, або на 16% да ўзроўню мінулага года. Гэтыя сродкі пойдуць на іншыя мэты. Між іншым, яны дадуць магчымасць сёлета замарозіць рост тарыфаў на камунальныя паслугі, адзначыў намеснік прэм'ер-міністра.