Нафта Brent зноў патаннела
- 7.12.2016, 9:19
- 15,807
Цэны нафты ў сераду прадоўжылі зніжацца.
Лютаўскі ф'ючэрс нафты Brent на лонданскай біржы ICE Futures да 8:00 знізіліся на 0,5% - да $53,66 за барэль.
Цана ф'ючэрса нафты WTI на студзень на таргах Нью-ёркскай таварнай біржы (NYMEX) паменшылася на 0,6% - да $50,62 за барэль, паведамляе Інтэрфакс.
Улічваючы нядаўні рост цэнаў на сыравіну, амерыканскі Мінэнэрга павысіў прагноз здабычы сланцавай нафты ў ЗША да 8,78 млн барэляў у дзень у будучым годзе, хоць у лістападзе чакалі росту паказчыка толькі да 8,73 млн барэляў.
У аўторак American Petroleum Institute паведаміў аб зніжэнні запасаў нафты ў ЗША больш чым на 2 млн. барэляў.
Фактарамі, якія паўплывалі на настроі ўдзельнікаў рынку, стаў таксама рост аб'ёмаў здабычы нафты ў лістападзе ў краінах АПЕК і Расеі да рэкорднага ўзроўню, сумневы ў здольнасці краін АПЕК выконваць узгодненыя квоты на здабычу. Так, большасць удзельнікаў рынку схіляюцца да таго, што рэальнае скарачэнне вытворчасць будзе значна меншым, чым абвешчаныя 1,2 млн барэляў у дзень.
Саудаўская Арабія, як стала вядома, прапанавала на студзень зніжкі пакупнікам у Азіі ў $1,2, што сведчыць аб далейшай барацьбе краін за долю на рынку.
Умацаванне даляра ў аўторак таксама паўплывала на цэны, якія вызначаюцца ў амерыканскай валюце.
Пакуль няма яснасці, якія з нафтаздабываючых краін падтрымаюць АПЕК паводле вынікаў прызначаных на суботу перамоваў.