Андрэй Зубаў: Расея не мае сіл для вялікай вайны
3- 12.02.2016, 11:27
- 34,215
Урад РФ кажа пра вайну, каб схаваць поўны правал палітыкі Пуціна.
Пра гэта ў эфіры «5 канала» заявіў расейскі гісторык, публіцыст Андрэй Зубаў, паведамляе УНІАН.
«На самой справе цяпер няма ніякіх вайсковых і эканамічных сіл весці вялікую вайну. Цяпер, хутчэй за ўсё, іншае. Цяпер кажуць пра вайну дзеля таго, каб схаваць канцы ў ваду ў сувязі з няўдачай ва Украіне, у Сірыі і наогул з поўным правалам расейскай палітыкі», - заявіў Зубаў.
Раней сайт паведамляў, што прэм'ер Расеі Дзмітрый Мядзведзеў заявіў, што наземная аперацыя кааліцыі ў Сірыі справакуе сусветную вайну.