Цягнік збіў аўтамабіль хуткай дапамогі
15- 15.02.2016, 10:49
- 21,633
Дызель цягнік «Магілёў - Крычаў» урэзаўся ва УАЗ хуткай дапамогі, што захраснуў на чыгуначным пераездзе.
Учора ўвечары ў МНС Чэрыкава паступіла паведамленне аб ДТЗ на чыгуначным пераездзе ў вёсцы Верамейкі. Дызель-цягнік рэгіянальных ліній эканом-класа «Магілёў - Крычаў» урэзаўся ва УАЗ хуткай медыцынскай дапамогі цэнтральнай раённай бальніцы, паведамілі сайту charter97.org у Міністэрстве надзвычайных сітуацый.
Калі да месца выкліку прыбылі ратавальнікі, дызель-цягнік працягнуў рух.
«Высветлілася, што да сутыкнення кіроўца аўтамабіля «УАЗ» хуткай медыцынскай дапамогі пры вяртанні з выкліку з'ехаў на чыгуначнае палатно, - паведамляюць ратавальнікі. - Два фельчары і кіроўца пакінулі аўтамабіль да сутыкнення, таму не пацярпелі. У выніку ДТЗ аўтамабіль «УАЗ» атрымаў значныя механічныя пашкоджанні. У дызель-цягніку пашкоджаны адбойны брус і корпус з левага боку».
Пашкоджанні на бяспеку руху чыгуначнага транспартнага сродку не паўплывалі.