Экс-прэм'ер Ізраілю сеў у турму

Эхуд Ольмерт, прысуджаны да 18 месяцаў пазбаўлення волі паводле справы аб хабарніцтве, пачаў адбываць турэмны тэрмін.

У панядзелак, 15 лютага, Эхуд Ольмерт стаў першым экс-прэм'ер-міністрам Ізраіля, якiя адбываюць турэмнае пакаранне. У жывым эфіры ізраільскай тэлевізіі 70-гадовы былы кіраўнік урада ўвайшоў на тэрыторыю гарадской турмы ў Рамле, размешчаным у 24 кіламетрах на ўсход ад Тэль-Авіва, паведамляе «Нямецкая хваля».

Раніцай таго ж дня Ольмерт апублікаваў відэазварот, у якім, як і на судзе, ён зноў заявіў аб сваёй невінаватасці.

«Я цалкам адмаўляю ўсе абвінавачванні ў хабарніцтве, - падкрэсліў ён. - З цяжкім сэрцам я прымаю свой прысуд. Закон вышэй за кожнага з нас». Ён прызнаў, што цягам сваёй доўгай палітычнай кар'еры «рабіў памылкі», ніводную з якіх не можа назваць «злачыннай па сваёй сутнасці». «Я плачу высокі кошт за некаторыя з іх, магчыма, нават занадта высокі», - рэзюмаваў ён.

Абвінавачванні ў хабарніцтве датычацца больш ранняга перыяду ў кар'еры Ольмерта - да таго, як ён уступіў на пасаду прэм'ера Ізраіля. У тыя гады ён займаў, сярод іншага, пасады мэра Іерусаліма і міністра эканомікі.

Злоўжыванне службовым становішчам

29 снежня Вярхоўны суд Ізраіля скараціў тэрмін зняволення Ольмерта пад вартай з шасці гадоў да 18 месяцаў. Вясной 2014 года палітык быў прызнаны вінаватым у атрыманні хабару за садзейнічанне ў будаўніцтве прэстыжнага жылога комплексу «Халілэнд» і прысуджаны да васьмі гадоў зняволення, у тым ліку да двух гадоў умоўна. Пазней, у 2015 годзе, суд Ерусаліма прызнаў ізраільскага экс-прэм'ера вінаватым у незаконным атрыманні фінансавай дапамогі ад амерыканскага бізнэсоўца Морыса Таланскі. Паводле гэтай справы палітык быў прысуджаны да васьмі месяцаў турэмнага зняволення.

Ольмерт займаў пасаду мэра Іерусаліма з 1993 да 2003 года, а затым перайшоў на працу ва ўрад Ізраіля. З 2006 да 2009 года ён кіраваў кабінетам міністраў. Ольмерт быў вымушаны сысці ў адстаўку з пасады прэм'ер-міністра праз абвінавачванні ў хабарніцтве.