Што адбылося ў офісе Чыжа: сведчанні відавочцаў
13- 12.03.2016, 14:44
- 27,758
Жыхары суседніх дамоў распавялі, што яны бачылі падчас «маскі-шоў» у офісе Чыжа.
Журналісты наведаліся ў офіс «Трайпла», дзе ўчора быў затрыманы беларускі алігарх Юрый Чыж.
Ахоўнікі офіснага будынка «Трайпла» зачынілі дзверы офіса ў адказ на пытанні журналістаў што да затрымання кіраўніка «Трайпла» Юрыя Чыжа ды іншых кіраўнікоў кампаніі, паведамляе «Радыё Свабода».
«Ідзіце, каментару не будзе», - сказалі ахоўнікі.
Перад будынкам стаіць чорны мікрааўтобус, але ці мае ён дачыненне да ўчорашніх падзей у офісе, невядома.
Жыхары суседняга з офісам дома на праспекце Пераможцаў пацвердзілі, што ў пятніцу прыблізна з 11 гадзін дня да вечара ля будынку стаяла 5-6 мікрааўтобусаў, з іх выходзілі людзі ў цывільным, «была нейкая мітусня».
Паводле іншых крыніцаў, адбывалася «канфіскацыя дакументаў».